Salzburg tan Karim Adeyemi

Rawlthar beiseiawm tak Karim Adeyemi kan hmu leh ta. German player hi kum 19 mi chauh la ni mah se a hriam tawh hle. Adeyemi hian RB Salzburg tan goal hmahruai khungin VfL Wolfsburg 3-1 in an hneh.

Red Bull Arena-a inkhelah hian Adeyemi bakah Noah Okafor chuan goal hnih a khung bawk a, point sarih hmuin Champions League group G hmahruaitu an ni - an hnuaiah hian Spanish team ṭha Sevilla (3 points) leh Ligue 1 champion Lille (2) te an awm.

Nigerian pa leh a nupui Romanian mi laka piang Adeyemi-a hian a naupan lai chuan a pianna Munich khawpuia awm Bayern Munich a zawm, mahse intuai hriam tur leh boruak dang hip duh vangin club dang a zawm - tunah chuan kum naupang tak chungin Salzburg rinrawl a ni der tawh.

Salzburg tan hian tun season inelna hrang hrangah match 17 khelin goal 12 a khung a, a pianna ram Germany tan pawh koh a ni hial - match thum a khelh aṭangin goal khat a khung ve tawh a ni.