Celtics hnehtu Knicks

Nimin zing NBA inkhelah New York Knicks leh Boston Celtics an inbei tawk hle. Over time vawi hnih an khelh zawh hnuin Knicks hian 138-134 in hnehna an chang hram a, regular season bul an ṭan dan a hmuhnawm nghal hle.

Covid-19 ngamtu Jaylen Brown-a'n basketball a khelh hun chhunga a point hmuh hnem ber ṭum a tawng, point 46 zet neiin minute 1.05 chauh awm tawhah 134-133 in a team hma a hruaipui, mahse an chungnung tluan thei lo.

Knicks tan Julius Randle chuan point 35 a nei a, hun tawp dawna 3-points neitu Evan Fournier-a'n point a neih belhkhawm chu 32 a ni bawk. Randle leh Fournier te hi an chakna hnar an ni a, a tawp thlengin an beidawng ve lo a ni.