France-a player ṭha ber Neymar

Neymar chu France's player of the year atan thlan a ni. Paris Saint-Germain forward hian Pathianni khan chawimawina hi a dawng a, a hma hun chungchang a sawi chiang duh lo.

Brazil captain hian nipui lai khan khawvela player manto ber ni turin Barcelona aṭangin PSG chu pound maktaduai 200-in a zawm a, Ligue 1 champion tan hian league match 20 a khelh aṭangin goal 19 a khung.

Khel ṭha viau mah se Neymar hian February thla khan hliam a tawk a, an ramah zai niin season tawp thlengin a inkhel zui tawh lo. June 14 aṭanga khelh tur FIFA World Cup-ah erawh inlan thei ngei tura ngaih a ni.

Kum 26 mi Nermar chuan, "Season kan hman danah ka lawm hle, ka ṭhiante tel lo chuan hetiang dinhmun hi ka thleng thei lo tih ka hria, an chungah lawmthu ka sawi," tiin a sawi. Neymar hian PSG tana a khelh pui Edinson Cavani leh Kylian Mbappe te khumin chawimawina hi a dawng a ni.

A hma hun an zawhna chhangin Neymar chuan, "Zawhna ka dawng hnem a, kan sawi reng emaw tih tur a ni. Tun dinhmunah chuan engmah sawi tur a awm lo, a ninawm lamah a kal zawk," tiin Real Madrid leh Manchester United nena sawizawm a nih chuangchangah sawi tur a neih rih loh thu a sawi.