Borussia Dortmund-in point thum hmu

Bundesliga-ah Bayern Munich an champion tawh a, season thara Champions League khel tur erawh a la chiang lo. Pathianni zan khan Borussia Dortmund chuan Stuttgart lakah si thum faia hnehna changin, pathumnaah an dinhmun an sawh nghet.

Dortmund tan hian Christian Pulisic-a'n goal hmahruai a khung bakah Michy Batshuayi leh midfielder Maximilian Philipp ten an khung ve bawk.

Inrinni zan inkhelah pahnihna Schalke chu Hamburg lakah 1-0 in an tlawm a, an hnuaia awm Dortmund nen an inkarah point khat chiah a awm tawh. Bundesliga-ah hian team 18 an awm avangin team pakhatin season khatah match 34 zel an khel ṭhin a, tunah hian match 29 khel tawhin match nga khelh tur a la awm.