Commonwealth Games-ah Chhanhimi pariatna

British ram awp tawh 71 zet inelna Commonwealth Games neih mek a ni a, Mizo nula Lalchhanhimi chu weightlifting bika 90kg huangah pariatna a ni.

Nimin khan Gold Coast, Australia-ah inelna a hmachhawn a, snatch-ah 85kg chawiin, clean & jerk-ah 109kg a chawi bawk. Khawzawl Darngawn nula chawi belhkhawm hi 194 a ni a, a tum ram a tleng thei ta lo.

SAI Mission Vengthlang aṭang inzir chhuak Chhani hian 35th National Games leh Senior National-ah silver a la. 2016 khan Senior National-ah gold medal a la bawk–hetih hunlai hi chuan 69kg category-ah a la inlan ṭhin. Coach-te kaihhruai dan angin nikum aṭangin a inlanna category tih san a ni.