East Bengal-in jersey tlangzarh

Indian Super League club thar East Bengal chuan season lo awm tur atan an jersey pathum an tlangzarh a, an home jersey chu dan pangngaiin Red & Gold a ni dawn. 

Home Jersey hi mei alh lem hmanga chei a ni a, hei hi Red and Gold-in hun rei tak chhunga symbol atana an lo hman tawh a ni - Cardiff City forward hlui Anthony Pilkington chuan home jersey hi a rawn ha chhuak a ni. 

Away jersey hi a var niin 'Ilish' sangha zia ranga chei a ni a, Ilish hi East Bengal cultural symbol pakhat a ni. Wigan Athletic aṭanga Kolkata club pantu Danny Fox chuan away jersey hi a pho chhuak. 

East Bengal jersey pathumna hi Jeje Lalpekhlua hmanga phochhuah a ni a, a dum niin Bengal Tiger zia ranga chei a ni a, Bengal Tiger hi West Bengal hmingthanna pakhat a ni - jersey-te hi Bengal fashion designer lar Meghna Nayak kutchhuak a ni.

Liverpool legend Robbie Fowler enkawlna hnuaia khel tur East Bengal-ah hian Mizo player Jeje Lalpekhlua leh Lalramchullova-te an awm.