Indian Super League: Indian coach tan hmun a awm lo!

November 20-ah Indian Super League khelh ṭan a ni dawn a, India rama league sang berah hian club 11 an inel dawn. 

ISL-ah hian Indian coach neih rem tawh mah se coaching staff zingah an tel ve, tih loh chu head coach hmun luah phak an la awm lo a, club 11 hi ram dang coach vekin an enkawl dawn. 

Coach 11 zinga pasarih chu Spanish coach an ni a, Scottish coach pahnih an awm a, Hungary leh England aṭangin coach pakhat an awm bawk. 

Covid-19 vangin inelna hi a hmunah entu an awm thei dawn lo a, Goa chuan inelna zawng zawng hi a thleng vek dawn. Fatorda Stadium, GMC Athletic Stadium leh Tilak Maidan Stadium-ten inelna hi an thleng dawn a ni. 

ISL-ah hian ATK chu champion lai an ni a, anni hi Mohun Bagan nena inzawmin ATK Mohun Bagan tih an ni tawh dawn a, East Bengal-in a vawi khat nan ISL an khel dawn bawk.

Kum 52 mi coach-in Indian football-a a season hmasa ber tur a ni a, Espanyol leh Las Palmas pawh lo enkawl tawhin India a pan hmaa a club enkawl hnuhnung ber chu Thai League 1 club Ratchaburi Mitr Phol a ni. 

Hungarian coach tan Indian football-a a season hmasa ber tur a ni a, kum 56 mi coach hian tawnhriat erawh a nei ṭha hle. Scottish club Dundee United pawh lo enkawl tawhin season hmasa khan Romanian first division club Sepsi Sfantu Gheorghe-a enkawl. 

Kum 63 mi coach hi Indian football-ah a mikhual lo. Kum 2014 khan ATK zawmin Indian football-ah hmelhriat a hlawh ṭan a, a hnu season-ah Pune City a enkawl bawk. Valencia coach hlui hian kum 2014-ah ATK a champion pui a, season hmasa khan a champion pui leh bawk. 

Football ngainatu zingah Owen Coyle-a nihna sawi nawn a ngai lo. Scottish coach hian Burnley, Bolton Wanderers leh Blackburn Rovers-a lo enkawl tawh avangin tawnhriat a nei ṭha a, season hmasa chawhnu lam khan Chennaiyin enkawl ṭanin ISL final-a hruai thleng a, tun season-ah JFC a zawm.

Galatasaray-a conditioning coach hlui hian Albert Roca thachhang dawltu niin kum 2016 khan Bengaluru FC-a zawm a, kum 2018-a Roca chhuah hnuin coach nghetah ruat zui a ni.

Kum 35 mi coach hi Liverpool FC academy lamah pawh hna lo thawk tawh a ni a, A League club Melbourne Heart leh Ghana national team-ah coaching staff zingah a tel tawh a, Rayo Vallecano-ah deputy technical director a lo ni tawh bawk. 

South Africa national team pawh lo enkawl tawh a nih avangin tawnhriat a nei ṭha a, Japanese club lar Vissel Kobe leh Sanfrecce Hiroshima thlenga a lo enkawl tawh avangin Asian football-ah pawh a mikhual lo - Indian football-ah erawh a hun hmasa ber tur a ni.

Liverpool legend chanchin inzawh nawn a ngai lo - season thara ISL club coach-ah chuan a lar ber tih ngam a ni a, coaching lamah erawh player-manager ni chunga Muangthong United-a lo enkawl tawh leh A League club Brisbane Roar-a lo kaihruai tawh tih loh chu chhuan tur a nei lo. 

Kum 39 mi coach hian Spanish club lama youth team enkawlin a hun tam zawk a hmang a, Greek club Volos chu 207-18 leh 2018-19 season khan Greece fourth division leh third division champion a zawnin a nihpui thei. 

Spanish coach hian season hmasa khan I League-ah Mohun Bagan a zawm a, nomawi a chawipui nghal. Kum 48 mi coach hi Osasuna-ah youth team coach leh assistant coach a lo ni tawh a, Legia Warsaw leh Lech Poznan-ah assistant coach a lo ni tawh bawk. 

Indian football-a coach tha ber ang hiala mi tam takin an ngaih Spanish coach hian January khan rin loh takin FC Goa-a chhuahsan a, season tharah Mumbai City a enkawl dawn. Barcelona coaching staff zingah telin Las Palmas pawh a lo enkawl tawh a, Mumbai club-in beiseina an nei sang ang.