British infiammite vaccine laktir vek an tum

British Olympic Association (BOA) chief executive Andy Anson chuan, an ram infiammi zinga Tokyo Olympic khel turte chu hripui leng laka invenna (vaccine) la tura hmin vek an tum thu a sawi.

July 23 aṭangin Japan khawpuiah Olympic neih a ni dawn, inelna buatsaihtu lam chuan infiammi zawng zawngte chu hri leng laka invenna la vek turin a duh a, hei hi infiamna him leh ṭha zawk an neih theih an beisei vang a ni.

Infiammi ṭhenkhatin vaccine lak an duh lo a, ṭhenkhat chuan ṭul an ti lo bawk. Andy Anson chuan, "Olympic hma ngeiin British infiammi zinga 90% chuan invenna hi a dose hnihna an la hman ang.

"Zep thu a cheng lo a, mi ṭhenkhat chuan vaccine hi lak ṭul an ti lo. Mitin in duhthlang turin zalenna kan nei vek a, kan zahsak a ngai. Amaherawhchu kan ṭhat tlanna tur a nih avangin an lak ngei theih nan hmin kan tum ang," a ti.