Rangers-in an player pahnih an hrem

Scottish club Rangers chuan an player pahnih Jordan Jones leh George Edmundson chu Covid-19 dan an bawhchhiat avangin an hrem a, winger Jones leh defender Edmundson-te hian Pathianni khan puipunna hmunah hun an lo hmang a ni. 

Rangers chuan player pahnih hi an chhui dawn a, ni 14 chhung an inkhunghran a ṭul bawk ang. Rangers managing director Stewart Robertson chuan, "Rangers-a dan zawm tur kan zamte zawm lo chungah zahngaihna kan lantir dawn lo," a ti. 

Steven Gerrard enkawl Rangers hian season duhawm tak an hmang mek a, Scottish Premiership-ah hma-hruaitu ni mekin match 13 an khelh tawhah vawi 11 an chak a, vawi hnih an khingpui an inhnehtawkpui.

Rangers hian anmahni hnaih bertu Celtic aia match hniha khel tamin point kuain hma an hruai fal mek a, Europa League-ah match hnih khel tawhin an chak ve ve bawk - Ningani zan dar 11:25-ah Benfica nen Europa League match an khel ve leh ang.