A chungah Djokovic a awm zel

Novak Djokovic chuan Vienna Open nomawi chawi thei lo mah se a dinhmun pangngai a la luah a, mipa tennis ranking chhuak tharah point 11830 hmuin pakhatna a ni chhunzawm zel.

Serbian star hian chawlhkar 293 chhung zet chu number 1 dinhmun hi a luah tawh, record nei ṭha ber Roger Federer (310 weeks) a um zel. A chesual viau a nih loh chuan Federer pawh hi a umphak thei mai dawn niin a lang.

Grand Slam vawi 17 champion tawh Djokovic pawhin sulhnu ṭha dang hnutchhiah hmabak a nei. Tun season hi number 1 ni chungin a khar ngei dawn niin a lang, puan chian la ni chiah lo mah se a dinhmun a ṭha tawk tawh.

Kum a tawp meuh chuan Djokovic hian number 1 ni chunga season vawi ruk khar thei Pete Sampras nih rualin midang chungah a leng bawk dawn a ni.