French Open an sawn leh mai thei

Coronavirus vanga buaina a ziaawm hleithei lo a nih chuan French Open 2021 pawh a hun pangngaiah an khel lo leh mai thei, inelna buatsaihtu lam chuan a ṭul a nih chuan an sawn leh tur thu an sawi.

Kumin Roland Garros pawh a hun pangngaiah an khel thei lo, May thla a khelh tur kha ni mah se Covid-19 vangin September thla chawhnu lam khan khelh theih a ni chauh - tunah chuan season thar tur an ngaihtuah zui nghal a ngai.

Thuchhuah siamin French Tennis Federation (FFT) chuan, "Tunah a ni emaw nakkum pawh ni se harsatna hi thleng thei reng a ni. Keini chuan ṭha taka inelna a awm theihna tur a nih chuan a hun sawn leh mai pawh kan pawi ti lo ang," an ti.

Tennis season kal lai hi hri leng vangin an buai hle. March thla aṭangin an chawl lailawk a, indopui pahnihna hnua a vawi khat nan Wimbledon pawh an ṭhulh hial - US Open leh French Open erawh harsatna karah an kaltlang pui hram.