Damdawi inah Maradona an dah

Diego Maradona chu tun hnaiah a hriselna dinhmun a ṭha tawk lo a, ngaihtuahawm tak ni lem lo mah se enkawl turin damdawi inah dah luh a ni.

October 30-a kum 60 tling ta Maradona hi tun hma aṭangin a hrisel tawk loh vangin a buai fo ṭhin a, tun hnai khan coronavirus kai hlauhthawn awmah a awm vangin in lamah a lo inkhung hrang tawh bawk.

Amah enkawltu doctor Leopoldo Luque chuan, "Diego hi kawng ṭhenkhatah chuan mi dangte chunga leng, ṭha leh chungnung bik a ni. Amaherawhchu a taksa peng ṭhenkhat hi chu midang aia chak lo leh enkawl ngai a ni ve bawk," tiin a sawi.

January thla khan a khawchhunga thisen put vangin damdawi inah dahluh a lo ni tawh bawk a, a thau bakah tun hma lama a ruihhlo tihnain a taksaah nghawng a nei.