Mbappe inlan dawn lo

Kylian Mbappe chu zanin dar 1:30 a Paris Saint-Germain leh RB Leipzig ten Champions League group match an khelh turah a inlan thei dawn lo, an thiampuipa Neymar chu hliam vangin an chan mek bawk.

PSG hian Inrinni zan khan Ligue 1 inkhelah Nantes 3-0 in an hneh a, point thum hlawh chhuak mak se minute 74-naah forward Mbappe chu malpui hliam vangin an chan a, zaninah a inlan theih dawn loh phah a ni.

French champion PSG chuan thu chhuah siamin, "Germany a zin chhuak nghal tur chuan a la inpeih lo," an ti. Mbappe bakah hian Neymar, Marco Verratti, Mauro Icardi leh Julian Draxler te an inlan lo ang.

Arab sum hmanga siam len PSG hian season hmasa Champions League semifinal-ah khan Leipzig hi an hneh, final-ah erawh German champion Bayern Munich an ngam lo thung.

Thomas Tuchel kaihhruaina hnuaiah kumin hian hlawhtlin ngei an beisei a, group stage erawh bul an ṭan fuh vak lo. Manchester United an ngam loh hnuah Istanbul Basak-sehir hneh ve mah se an hnuaia awm Leipzig nen point thum ve ve 

an nei.