FA Youth Cup-ah Man City champion

4th November, 2020

Thawhṭanni zan khan St George’s Park-ah FA Youth Cup final khelh a ni a, Manchester City-in Chelsea 3-2 a hnehin an champion.

Chelsea-in Marcel Lewis-a'n minute 28-naah goal hmahruai khungin Man City-in James McAtee (37') leh Morgan Rogers (52') hmangin an lehthal. Man City defender Taylor Harwood-Bellis-a'n an lamah a tihluh avangin 2-2 a ni a, minute 84-naah Cole Palmer-a'n City chakna goal a khung.

Man City hian kum 2008 hnuah FA Cup Youth nomawi an chawi a, vawi thum an chawina chiah a ni. Chelsea-in nomawi chawi theihna hun ṭha an bawhpelh avangin vawi 10 champion tawh Manchester United record an nih rual thei ta lo.