Chelsea-in Rennes mikhual dawn

Champions League-ah zanin dar 1:30 hian Chelsea-in Rennes an mikhual dawn. Group E inkhel dangah Sevilla-in Krasnodar an mikhual bawk ang.

Chelsea leh Sevilla hi group E aṭanga tlang tura ngaih an ni a, an match hmasa berah inhnehtawkin hemi hnu hian an chak ve ve a, point li ve ve an hmu mek.

Frank Lampard-a kaihhruai Blues hi tun hnaiah an che ṭha hle. Chelsea hian match hnuhnung paliah goal an chhuah lo a, match hnuhnung pahnihah ringawt goal sarih an khung.

Blues leh Rennes hi an la inhmachhawn ngai lo. Chutihrualin French club hian England-a vawi hnih an inkhelh tawhah an chak lo ve ve a, Lampard-a hote lakah point khat hmuh pawh a harsa ang.