UEFA-in Ibra pawisa an chawitir

European football thu­neitu sang ber UEFA chuan Zlatan Ibra­himovic chu pawisa inthapna kaihhnawih vangin £43,000 an chawitir a, a club khelh mekna AC Milan pawh £21,598 chawi turin an ti bawk.

UEFA chuan Ibra chung chang hi an chhui chiang a, pawisa inchawina lam company nen an thawkho tih a hmu chhuak. Sum hmanga inthapna lamah hian UEFA chuan football player-te chu inrawlh lo turin a ti a ni.

Kum 39 mi Ibra hian season liam ta khan Milan tan inelna hrang hrangah match 27 aṭangin goal 17 a khung a, hliam vanga a buai fo vangin a inlan tam tawk lo. Kum nga hnuah Sweden chuan ram tana inlan turin a ko a, mahse hliam vangin European Championship pawh a khel lo ang.