Nagal-a'n a tum ram a thleng lo
French Open khelh turah Sumit Nagal a inlan phak dawn lo. India tlangval hian main draw khelh phak turin qualifying a khel a, mahse Chile tlangval Alejandro Tabilo chu 6-3, 6-3 in a ngam lo.
Tun hmain Nagal hian US Open pawh a lo khel phak tawh. New York khawpuia inelna neihah hian a match hmasa berah Roger Federer nen an inkhel a, chak lo mah se Grand Slam vawi 20 champion nen an inkhel hian ngaihven a hlawh hle.
Nagal a inlan phak dawn loh takah chuan Paris khawpuia inelna neih turah hian, Indian player zingah singles match khel phak an awm dawn lo tihna a ni. Doubles huangah erawh Rohan Bopanna leh Divij Sharan te an inlan ang.
Sania Miza pawh a inlan dawn lo, hmeichhe doubles huanga world number 1 hlui hian July thla a khelh tur WimÂbledon-eh erawh inlan ngei a tum a, grass court season atan inbuatsaihna a nei ta zawk.