Utah Jazz an tho chhuak

NBA playoff an match hmasa berah Utah Jazz an che fuh lo a, nimin zinga game 2 khelhah erawh an zia tak tak chhuahin Memphis Grizzlies lakah 141-129 in hnehna an chang; best of seven series-ah team pahnih hi 1-1 in an intluk tawk mek.

Jazz tan Donovan Mitchell-a'n point 25 a nei a, ani bakah hian Mike Conley leh Joe Ingles te an hmuhnawm bawk. Anni pahnih hi an che fuh chho leh a nih chuan Memphis tana ven harsa tur an ni nang.

Nimin zing inkhel dangah Philadelphia 76ers chuan Russell Westbrook awmna Washington Wizards chu 120-95 in an hneh. Wizards hian an thiampuipa Westbrook hi kerek hliam vangin an chhawr tluan thei lo, eng chena rei nge a chawlh dawn tih erawh hriat a la ni lo.

76ers hian Eastern Conference playoff-ah 2-0 in hma an hruai ta. Pathianni zing dar 4:30-ah game 3 an khel leh ang.