A sang thei ang ber kan duh - Mikael Arteta

Premier League 'big six' a chhiar tel Arsenal-in Arsene Wenger chhuah hnuah a sang pali zinga awm an harsat a, Mikael Arteta hnuaiah phei chuan a sang paruka awm an harsat.

Gunners hian Pathianni zan dar 8:30-ah Brighton & Hove Albion an mikhual dawn a, hnehna a chang a nih chuan pasarihna dinhmun an la hauh thei a, an hmelma Tottenham Hotspur chungah an la awm thei bawk.

Arsenal manager Mikael Arteta chuan, "Europa Conference League hi inelna thar a ni a, eng nge a an dawn kan hre lo. Keini chuan a sang thei ang bera awm kan duh. Kan khel pha a nih chuan result ṭha tak neih kan duh ang," tiin a sawi.

Gunners hian match hnuhnung pathumah West Brom, Chelsea leh Crystal Palace te an hneh a, Brighton hmachhawn turin an inringtawk khawp ang.