Gauff-i'n semifinal a lut

American tleirawl Coco Gauff chuan Emilia-Romagna Open khelh laiah Amanda Anisimova chu 6-3, 6-3 a hnehin semifinal a lut a, final lut tur chuan Katerina Siniakova a paltlang leh a ngai dawn.

Parma khawpuia inelna neih laiah kum 17 mi Gauff hi a khel ṭha tluang viau, a match hmasa berah chak hram mah se a hnuah erawh nuamsa takin hnehna a chang zel, match thum a khelh tawhah set a la hloh lo.

Inkhel dangah Serena Williams hnehtu Katerina Siniakova a la kaltluang zel bawk. Czech player hian seeded pariatna Caroline Garcia chu 7-5, 6-1 in a lo hneh ve bawk - Gauff nen an inkhel tawk viau tura ngaih a ni.

US Open champion hlui Sloane Stephens pawhin semifinal a lut, ani hian tualchhung nula Sara Errani chu 6-3, 6-0 in a lo hneh ve thung a, semifinal-ah chuan Petra Martic leh Qiang Wang inkhela chak zawk a hmachhawn leh ang.