Wizards an tling ve leh ta

22nd May, 2021

NBA playoff khel turin Washington Wizards an tling ve leh ta a, tunah chuan hmunruak pakhat chiah a awm ta. Tukin dar 6:30 hian Golden State Warriors leh Memphis Grizzlies ten an inchuh ang.

Nimin zing Play In Tournament inkhelah Wizards hian Indiana Pacers chu 142-115 in an sawp a, Eastern Conference aṭangin seeded pariatna an ni ang - playoff-ah chuan hmahruaitu Philadelphia 76ers nen an inkhel dawn a ni.

Wizards tan hian Russel Westbrook-a'n point 18 a nei a, assit vawi 15 ngawt a neih tel avangin a thawh hlawk hle. Bradley Beal (25 points), Rui Hachimura (18) leh Daniel Gafford (15) te an khelh ṭhat bawk avangin hnehna chang turin harsatna an tawk lo.