Chanmarians-in Lords an hneh

Nimin khan Mapuia Cricket League-ah inkhel pakhat chiah a awm a, Chanmarians-in wicket kuain Zarkawt Lords an sawp.

Ṭhumvawr a vannei zawk Lords-in bat hmasak an thlang a, bul an ṭan ṭha lo. Michael Lalremtluanga, Lalzuitluanga, Zahir Ahmed leh Lalnunpuia te'n run 10 an vaw tling lo a, Lalhlimpuia a duck out bawk. Lords chhanhim turin Pervez Ahmed a rawn pen chhuak a, ball 30-ah run 37 zet a vaw chhuak a. A tawpah wicket kaw hlohin run 81 an tlin hram.

Chanmarians-in target umphak an harsat lo, Abhay Joishi che ṭha lo mah se Michael Lalremkima (42) leh K. Lalremruata (33) te hmangin over 12 lekin target an umpha a, hnehna an chang.


Share this Post

Login to comment
No Comments