ESL thuchhuak

Premier League club paruk a inhnuhdawh hnuah European Super League chuan a hnuaia tarlan ang hian thuchhuah an siam. An la beidawng lo a, a kalhmang thlak danglam an la tum.

European Super League chuan tuna European football kalphung hi thlak danglam a ngai tih kan pawm thlap.

European football inelna thar ruahmanna kan siam chhan hi tuna kan hman mek hi a ṭhat tawk loh vang a ni. Kan thil tum chu football hi hmasawn tura thuam ṭhat a, football kalphung nghet ṭha zawk neih a, Covid-19 vanga kan buaina sut kian a ni a. Club neitute pawhin hlawkna tam zawk an hmu thei ang.

English club-te pressure nasa tak an tawh avanga an inhnukdawk chung hian kan inelna kalpui tum hian European dan leh hrai a kalh lo.

Tuna thil thleng avang hian kan kalphung hi kan zir chiang ang a, fan-ten football hmuhnawm leh ṭha zawk an en theih nan kan siamrem ang.