Liverpool defender Kolo Toure contract chu June thla hian a tawp dawn a, Anfield-ah a cham zel lo maithei.

Ivory Coast defender Toure chuan, "Ka aiawhin agent leh club an in be mek. Ni rei lote chhungin engkim a chiang ang. Club-in an ngaihtuah a ngai a, kei pawhin ka ngaihtuah a ṭul bawk. Contract ziah hmaa hriat tur pawimawh chu player pawimawh nge kan nih dawn squad player satliah tih hi a ni," tiin a hmalam hun chungchang a sawi.

Toure chuan a elpui German centre-back fakin, "Emre Can hi player naupang tak ni mah se player ṭha a ni a, team kaihruaitu ṭha tak a ni bawk. www.vanglaini.org Field chhunga awm chiahin a inrintawkna a nei tih a chiang a ni," tiin a sawi.

Steven Gerrard-a awm loh laia captain Jordan Henderson chugnchang sawi zuiin, "Henderson hi hi captain ṭha tak a ni a, helai hmunah hian lal ang maiin a la khawsa ang. Goal a khung bakah a tlan taima a, ani aia ṭha chuang an awm loin," a ti.

Share this Post