Nagaland Governor-in sakhaw hruaitute a kawm
Nagaland governor RN Ravi chuan Thawhlehni khan sakhaw hrang hrang Hindu, Muslim, Jain, Sikh, Buddhist leh sakhaw dang hruaitute a kawm a, an state-a Covid-19 hri leng mek dinhmunte a sawipui. Thawhṭanni khan Kristian sakhaw hruaitu hrang hrangte a lo kawm tawh bawk.
Raj Bhavan-a Dr Imkongliba Hall-a inkawmna an neihah, Governor chuan sakhaw hruaitute hnenah hri leng mek laka invenna tura sakhaw tin leh pawl tinten theihtawp an chhuah a ṭul thu a sawi. Sakhaw hruaitute chu hri leng laka invenna kaihhruaina siamte zawm tura mipuite zirtir tur leh, vaccine la thei chin bithliahten vaccine lak ngai pawimawh tura hrilh turin a chah.