Juve chak nan Pogba goal a tawk

Juventus chuan minute 82-naa Paul Pogba goal thun hmangin an mikhual Sassuolo chu an hneh a, goal dang lut a awm lo. Juve hi Roma aiin point 11-in an sang fal leh tawh a ni.

Inkhel thunun tak chung siin Juve-in goal an khung thei lo a, goal awm loin an ṭin mai dawn a alan tawh laiin minute 82-naah French midfielder Pogba-a'n box pawn aṭangin mawi em em maiin Sassuolo goal dinglam sirah a thun a ni.

Manchester United midfielder hlui Pogba hi tun season-ah a khel ṭha a, Juve chakna leh innghahna ber a ni. Player naupang leh thiam  tak a nih avang hian Europe club lian hoten lak tumin an hel nasa hle.

Pogba agent Mino Raiola chuan, "Tunah chuan engvang mahin a chhuak rih lo ang. Tuna a khelh danah hi chuan khawvela player ṭha ber te zing a mi a ni a, sawmtu pawh a www.vanglaini.orgnei hnem reng a ni. Mah se Juve-ah hian a hlim rih a, he hmunah hian nuam ti takin a khel rih dawn a ni," tiin a sawi.

Inkhel dangah Lazio chuan an elpui  Fiorentina chu 4-0 in an sawp a, table-ah pathumna a ni a, season thara Champions League khelh an tumna an chhawm nung zel. Lazio tan hian Lucas Biglia leh Antonio Candreva ten goal khat ve ve an thun bakah kum 36-a upa Miroslav Klose chuan goal hnih a khung bawk.


Share this Post

Login to comment
No Comments