Rogers-a'n replay khelh hun a sawisel

Liverpool manager Brendan Rodgers chuan Bradford City leh Reading te FA Cup quarterfinal replay khelh hun a fuh tawk lo a ti.

Thawhṭanni zan khan FA Cup semifinal fixtures pawh a ni a, Liverpool-in replay-a Blackburn Rovers an hneh chuan semifinal-ah Aston Villa an hmachhawn dawn. Arsenal erawh an vannei a, Premier League club pumpelhin Bradord City leh Reading chak zawk zawk an khelhpui thung ang.

Semifinal hi April 18 leh 19-ah Wembley Stadium-a khelh tura ruahman a ni.

Liverpool replay khelh hun hi a la chiang lo a, Bradford leh Reading erawhin March 16, Thawhṭanniah an khel dawn. Championship club te hi replay khelh hma ni hnihah (March 14) league match-ah an inhmachhawn dawn bawk.www.vanglaini.org

Liverpool manager Rogers chuan, "April 7 emaw 8-ah emaw replay kan khelh ka ring. Reading leh Bradford fixtures hi a fuh tawk loin ka hria. Inrinniah league match an khel dawn a, Thawhṭanniah an khel leh nghal dawn. Manager pahnih Parky (Phil Parkinson) leh Steve (Clarke) bakah player-te ka khawngaih takzet a ni," a ti.

Semifinal Fixtures

Bradford/Reading Vs Arsenal

Aston Villa Vs Liverpool/Blackburn


Share this Post

Login to comment
No Comments