Manchester United aṭanga Danny Welbeck chhuah tirtu chu Louis van Gaal a ni a, goal a khung tam tawk loh vang a ni. Dutch manager season hmasa bera nomawi beiseina titawptu chu sira a hnawl tak Welbeck a ni a, goal a khung vang a ni.

Thawhṭanni zan FA Cup quarterfinal-ah Arsenal-in an hmelma Manchester United 2-1 a hnehin semifinal an lut a, kum 2006 hnuah Old Trafford-a an vawi khat chakna a ni. www.vanglaini.org

Minute 24-naa Arsenal tana Nacho Monreal goal khung chu United lamin captain Wayne Rooney tauh luh hmangin minute li hnuah sut mah se United defender Antonio Valencia back pass sual nangchingin Welbeck-a'n minute 61-naah Gunners chakna goal a khung.

United-in sutna hun ṭha an nei meuh lo a, player manto Angel di Maria chu insum zawh loh vangin hnawhchhuah a ni a, Spanish keeper David de Gea zarah goal erawh an phurh belh lo.

Goal class pahnih
Arsenal-in ball an pass thiam a, an goal hmasa ber khung turin vawi riat zet ball an inpe kual a. Penalty area pawn chiahah Alex Oxlade-Chamberlain-a'n buaina a nei lo a, United defender a cheih phar hnuah Nacho Monreal tan ball ṭha a pe a, Spanish left back www.vanglaini.org hian striker tan zir tur hnutchhhiahin cool takin a khung.

United-in an siphurh an sut thuai a, goal mawi a ni. Vawi 14 zet an in pass kual hnuah ding lam aṭanga Angel di Maria cross ball ṭha tak chu captain Rooney-a'n thlawk chungin a tauh lut. 

Field sirah Di Maria a hmuhnawm a, Argentine winger goal khung tur chu Gunners keeper Wojciech Szczesny-a'n a dan sak a, first half-ah 1-1 a ni.

Sub awmze nei lo
Louis van Gaal-a'n bench-ah world class player Radamel Falcao leh Juan Mata te a ṭhuttir a, subsitution pathum chiah a hmang thei bawk. Dutch manager hian second half ṭan chiahah Phil Jones leh Michael Carrick te chu Luke Shaw leh Ander Herrera aiah a luh tir mauh mai. 1-1 a ni a, minute 45 khelh tur a la awm a, tawnhriat nei ṭha Van Gaal-a thutlukna a mak hle.

Welbeck a inlar
Player pahnih lut tharin inkhel an tlak danglam lo a, minute 61-naa Valencia pass sual erawh Arsenal lawmna a ni. United defender back pass hi keeper thlen hmain Welbeck-a'n a la hman a, David de Gea a bum hnuah awlsam takin a khung.

Welbeck hian a goal khung nasa takin a lawm a, amah duh lotu laka goal a khung theih avangin a lawm tih a chiang hle. Amah aia United lak luh Falcao erawh in field chhungah hmun a chang lo.

Minute 74-naah Welbeck hi French forward Olivier Giroud-a'n a thlak a, Old Trafford mipui ṭhahnem takin zahna an an entir a, elsentu awm bawk mah se United supporter zingah chuan Manchester tlangval hi a la tlana a ni.

Minute 13 chiah khelh tur a awm tawh tihin refereee Michael Oliver-a'n Argentine winger Di Maria chu tlu dera ngaiin yellow card a pe a, United player hian referee a nam zeuh avangin hnawhchhuah zui a ni.

Player 10-a khel tan keeper David de Gea a ropui zui a, Alexis Sanchez cross Sanchez-a volley chu mak takin a dang a, Spanish keeper hian Sanchez-a goal khung tur a khawih per leh hram bawk.

United talbuaiin tlar hmaah palian Marouane Fellaini leh Chris Smalling te awm tirin ball an vawrh lut tam a, Arsenal tan dan an harsa lo. 2-1 in inkhel a tawp a, Arsenal-in Old Trafford-ah Manchester United an luhchhuah.

Share this Post