2019 Asian Cup chu United Arab Emirates-ah nghah a ni dawn. Asia khawmualpui tana football inelna sang ber thlen tumin Iran leh UAE te'n an dil ve ve a, hun rei tak an buk tawn hnuah Asian Football Confederation chuan thutlukna siamin UAE-in an thlen www.vanglaini.org zawk tur thu an sawi chiang ta a ni.

Kum 1996 khan UAE hian Asian Cup hi an lo thleng tawh a, a vawi hnih nan 2019-ah an thleng leh dawn a ni. Kumin khan Australia chuan January 9-31 inkar khan Asian Cup hi an thleng a, a thlengtu Australia hian final-ah South Korea chu 2-1 a hnehin an champion nge nghe. Asia Cup champion hian FIFA Confederations Cup-ah Asia khawmualpui aiawhin an khel ang.

AFC Asian Cup hi khawmualpui pakhat chhunga ram leh ram football a inelna-ah chuan a upa ber dawt a ni. Asian Cup ai a upa zawk awm chhun chu  South America ramte inelna Copa America chauh a ni.

Asia Cup hmasa ber chu kum 1956 khan Hong Kong-ah khelh ṭan a ni. Asia khawmualpui aṭangin ram hrang hrang 16 an inel ṭhin a, mah se kum 2019 aṭang chuan a tel thei zat hi ti pungin ram 24 an inel tawh ang.

AFC president Shaikh Salman bin Ebrahim Al Khalifa chuan, "UAE ka lawmpui tak zet inbuatsaih an tum dan leh hmalak an duh danin kan www.vanglaini.orghotu te a ti lungawi a ni. Kuminah Australia-ah hlawhtling takin kan hmang thei a, kum 2019-ah pawh hian hlawhtling leh zual zawka kan hman ngei ka beisei a ni," tiin a sawi.

Share this Post