Helicopter chesualah French infiammi thi

Thawhlehni khan Argentina hmar thlang lamah helicopter pahnih an insu a, a hmunah mi sawmin nunna an chan. Thi zingah French infiammi pathum telin an ni bakah hian Argentina mi pilot pahnih te chu a hmunah an thi ve nghal bawk.

Helicopter chesuala thi zinga mi www.vanglaini.org French infiammi te chu intlansiak lawngleng khalh ṭhin Florence Arthaud, Olympic-a tuihleuh intihsiakna tel tawh Camille Muffat leh Olympian Alexis Vastine (boxer) te an ni.

Helicopter hi French ram channel lar tak pakhat TF1-in a tihchhuah ṭhin 'Dropped' tih celebrity show atan a shooting nei an ni nghe nghe.

Chhiatna rapthlak tak hian France ram pumpui a dengchhuak nghal a,  French President Francois Hollande chuan thuchhuah siam nghalin, "French mi leh sa te vanduaina hi kan tan chuan lungngaihna nasa tak a ni," tiin thuchhuah a siam.

France leh Arsenal tana khel ṭhin, 'Dropped' show-a tel zinga mi Sylvain Wiltord chuan, "Ka ṭhiante chhiat tawhna hian minti lungngaiin min ti thlabar takzet a, hlauin ka khur a ni. Mak tihnain ka khat a, engmah sawi tur pawh ka nei lo," a ti.

 Florence Arthaud hi kum 57 a upa a ni a, kum 1990 khan lawngleng intlansiakna ropui ber pawl Route du Rhum-ah a lo champion tawh. www.vanglaini.org

* Tuihleuh thiam Camille Muffat hi kum 25 a upa a ni a, 2012 London Olympic-ah khan an ram tan medal pathum lai a la a, a medal lak zingah hian 400-meter freestyle-a gold medal a lak pawh a tel a ni.

* Boxer Alexis Vastine hi kum 28-a upa a ni a, 2008 Beijing Olympic-ah ram tan welterweight category-ah bronze medal a la a, kum 2012 Olympic-ah erawh quarter final-ah a tla thung.


Share this Post

Login to comment
No Comments