Jonas Brothers hla thar a hnai

Thla hmasa mai khan 'Sucker' an tichhuak a, chart hrang hrangah pawh a hit hle. A boruak pawh a reh hma hauhin hla thar an sawi ri leh ta a, Jonas Brothers fan-te an vannei dawn a nih hmel hle.

American pop rock band Jonas Brothers hian tun hnaiah music video thar chungchang an sawi ri leh tawh a, social media lamah pawh titi a tam phah hle. An band member Nick Jonas chuan Instagram-ah shooting an neih mek thu a tarlang a, thlalak leh video pawh hmuh tur a awm nual.

'Jumanji : Welcome to the Jungle' star Jonas hian an hla thar chungchang hi chiang takin la tarlang lo mah se, a chhuak har vakin a rinawm loh.

Jonas Brothers-te hi hun eng emaw chen music khawvelah an inlan ho tawh loh hnuin an rawn intuai thar leh tawh a, an thawm pawh a lian leh tawh hle. February 28 khan 'Sucker' an tichhuak a, YouTube-ah viewer maktaduai 80 chuang zet an awm tawh a ni.