Vanglaini - MSL-ah 'Chak vek Vs Chak vek'

KHAWTHLIR

MST bus hun

Transport department chuan, mipui tana remchan zawkna vangin Aizawl-Silchar MST bus service chu chawhnu dar 1-a chhuak tawh loin, zing dar 6-ah a chhuak ṭhin dawn tih a tarlang. Hei hi vawiin aṭanga hman ṭan a ni ang.

Medal lawmpui

Mizoram State Sports Council (MSSC) chuan nimin khan an office-ah tun hnaia infiamna chi hrang hranga Mizoram tana medal dawngtute chawimawimna hun an buatsaih a, Mizoram Commission for Women chairperson Vanlalawmpuii Chawngthu, MLA-in a hmanpui.

MCCF din cham

Mizoram Cancer Care Foundation chuan vawiin chawhma dar 11-ah Zemabawka Mizoram State Cancer Institute-ah an din champha an lawm dawn a, an member-te a tam thei ang ber kal turin an insawm.

Training buatsaih

World Vision India, Chhimtuipui ADP chuan nimin khan Lawngtlai Press Club-ah an area chhunga ṭhalai, thil chi hrang hrang training tura an thlante tan training an buatsaih. Training tura thlante chu puanṭhui zirtur mi 24, computer zirtur mi 12, motor khalh zirtur mi pahnih leh mechanic zir tur mi pahnih an ni.

Women’s Day

Mizoram University-a Public Administration buatsaihin nimin khan MZU-ah International Women’s Day an hmang a, 'Women in governance and their participation in politics' tih thupui hmangin workshop buatsaih nghal a ni. International Women’s Day hmannaah hian MZU vice chancellor Prof. R Lalthantluanga khuallian a ni a, zirtirtu leh zirlai ṭhahnem tak an tel. International Women’s Day hi March 8 a ni a, Pathianni a nih avangin niminah an hmang a ni.

Ruihhlo man

Excise & Narcotics department chuan nimin khan Edenthar-ah Lalruatthanga (23), Phunchawng Veng nia insawi hnen aṭangin heroin grams 3.15 an man. Lalruatthanga hi thubuai siam sak a ni.

DAWNTISEI

MSL-ah 'Chak vek Vs Chak vek'

Samsung 3:16 Mizoram Super League-ah khingpui zawng zawng hneh vek thei team hnih chiah an awm tawh. Zanin dar 8:00 hian Hawla Indoor Stadium-ah hneh loh la tawng lo, Khatla TBL leh Zarkawt BCA te an inkhel dawn.

MSL Round 2 kharna inkhel hmuhnawmah Zarkawt BCA-in Tuikual South 65-63 in an hneh a, BCA assistant coach Lalruatfela chuan, "Tuikual South kan khelh ṭuma hun tawp lama kan chet dan ang kha chu TBL lamah chuan tih nawn a thiang tawh lo. www.vanglaini.org Kan player-te kha an fimkhur tawk lo a, turnover a tam bawk. Khatla kan hmachhawn hunah chuan a tir aṭanga a tawp thlengin theihtawp kan chhuah ang," tiin theihtawp an chhuah tur thu a sawi.

MSL awm ṭan hmain Zarkawt BCA leh Khatla TBL te hi team inel tawk an ni a, TBL an chungnung hret. Tun ṭuma an inhmachhawn hma hian team pahnih hian point ruk ve ve an hmu a, zanina chak zawk hi table hmahruaitu tur an ni.

TBL captain Vanlalnunsanga (Lana) chuan, "BCA-ah player ṭha tak tak David, Michael, De De te an awm a, www.vanglaini.org MSL club zinga tum châkawm lo ber an ni. Kan huphur tihna erawh a ni lo. Theihtawp kan chhuah ang a, kan chak leh mai chu ka ring," tiin an khingpui ṭhat thu a sawi.

Zarkawt BCA player pawimawh Albert Lalramchhuana, Jackson Lalrintluanga leh Zorinsanga te an dam chiang lo a, amaherawhchu TBL nena an inkhelh tur hi a pawimawh tlat avangin an inlan vek tho ang. Zarkawt hian point guard Lalremsanga exam vangin an chhawr thei dawn lo a, Khatla TBL erawh an dam kim vek.

BCA assistant coach Afela chuan, "Player inhliam leh khel thei lo turin kan chhiat phah lo. Kan duhthusamin kan awm lo tihna chauh a ni," tiin inhliam vanga chhuanlam siam a tum lo.

Khatla TBL-in player ṭha an nghah a; captain Lana, Laldinsanga, Vanlalmuana, Nelson Lalrohlua, Gospel Lalthawmmawia leh Lalrinzuala te hi team chak pui thei turin an ṭha tawk. An vaia an khelh ṭhat phei chuan dan an har khawp ang.

TBL captain Lana chuan, "BCA kan hmachhawn hun hi kan supporter-te'n nghakhlel a, en tum pawh an tam khawpin ka hria. Ṭantu ngah hi chuan khelh ṭhat a awl a, kan supporter-te ṭum dang ang bawka min

rawn ṭawiawm ṭha leh turin ka sawm a ni," a ti.

Share this Post

Login to comment

No Comments