Voter Awareness Forum din

Election Commission of India (ECI)-in sorkar pisa hrang hranga thawkte'n inthlan leh a kaihhnawih thil an hriat zauna tura pisa tina Voter Awareness Forum (VAF) din ṭheuh tura a tih bawhzuiin nimin khan Champhai DC conference hall-ah VAF din a ni.

VAF din puala in­khawm buatsaihah Champhai DEO Dr Na­veen Aggarwal, district bawrhsap ni bawk chuan, mipui rorelna democracy ramah hlawhtling taka aiawh thlan theih a nih chhan pakhat chu, vote thlak thei tawh phawtte'n an dikna leh chanvo hmang ṭangkaia vote an thlak ṭhin vang a nih thu a sawi a, "ECI duh dan ang leh changvawn ‘No voter be left behind’ hnuaiah vote thlak thei tumah hmaih loa vote thlak vek thei tura ṭan lak a ni," a ti.

Champhai DEO sawi danin, inthlan ni - April 11-ah pianphunga rualbanlo leh kum 80 chung lamte tan vote thlaka an kal leh hawna tur lirthei chawhma dar 10 aṭanga chawhnu dar 1 thleng BLO-te ruahmannaa pek a ni dawn. Inthlan laia buaipuitute pawhin anmahni polling station-ah vote thlak hman lo mah se, Election Duty Certificate (EDC) dilin, chumi hmang chuan vote an thlak vek thei a ni.

Election officer Alan Lalthanzara chuan, inthlanna felfai leh thianghlim tak kalpui tur leh inthlan vote per­centage tisang tura ṭan lakpuiah mipui a sáwm. VAF hi Champhai dis­trict-a sorkar pisa hrang hrangah head of office-te chairman-na hnuaiah din mek zel a ni.