Vanglaini - Ligue 1 inum boruak a sang

KHAWTHLIR

MST bus hun

Transport department chuan, mipui tana remchan zawkna vangin Aizawl-Silchar MST bus service chu chawhnu dar 1-a chhuak tawh loin, zing dar 6-ah a chhuak ṭhin dawn tih a tarlang. Hei hi vawiin aṭanga hman ṭan a ni ang.

Medal lawmpui

Mizoram State Sports Council (MSSC) chuan nimin khan an office-ah tun hnaia infiamna chi hrang hranga Mizoram tana medal dawngtute chawimawimna hun an buatsaih a, Mizoram Commission for Women chairperson Vanlalawmpuii Chawngthu, MLA-in a hmanpui.

MCCF din cham

Mizoram Cancer Care Foundation chuan vawiin chawhma dar 11-ah Zemabawka Mizoram State Cancer Institute-ah an din champha an lawm dawn a, an member-te a tam thei ang ber kal turin an insawm.

Training buatsaih

World Vision India, Chhimtuipui ADP chuan nimin khan Lawngtlai Press Club-ah an area chhunga ṭhalai, thil chi hrang hrang training tura an thlante tan training an buatsaih. Training tura thlante chu puanṭhui zirtur mi 24, computer zirtur mi 12, motor khalh zirtur mi pahnih leh mechanic zir tur mi pahnih an ni.

Women’s Day

Mizoram University-a Public Administration buatsaihin nimin khan MZU-ah International Women’s Day an hmang a, 'Women in governance and their participation in politics' tih thupui hmangin workshop buatsaih nghal a ni. International Women’s Day hmannaah hian MZU vice chancellor Prof. R Lalthantluanga khuallian a ni a, zirtirtu leh zirlai ṭhahnem tak an tel. International Women’s Day hi March 8 a ni a, Pathianni a nih avangin niminah an hmang a ni.

Ruihhlo man

Excise & Narcotics department chuan nimin khan Edenthar-ah Lalruatthanga (23), Phunchawng Veng nia insawi hnen aṭangin heroin grams 3.15 an man. Lalruatthanga hi thubuai siam sak a ni.

DAWNTISEI

Ligue 1 inum boruak a sang

Pathianni zan khan Ligue 1 hmahruaitu Lyon chuan Montpellier 5-1 in an sawp a, table-ah hma an hruai chunzawm zel. Inrinni zanah Paris St Germain-in Lens 4-1 in an sawp tawh bawk avangin champion tur inum boruak a sang hle.

Montpellier khelmual Stade de la Mosson hmuna inkhelah hian minute rukna lek a Lucas Barrios goal thun hmangin Montpellier in hma an hruai a, www.vanglaini.org amaherawhchu he goal hi champion tum Lyon chaih kawlh tu chauh a ni.

Lyon tan Alexandre Lacazette leh Nabil Fekir te'n goal hnih ve ve an khung a, Corentin Tolisso-a'n goal khat a khung ve bawk. 5-1 in inkhel a tawp.

League match 28 khelh tawh aṭangin Lyon hian point 57 hmu tawhin hma an hruai mek a, kum 2008 hnua la champion leh lo an nih avangin kuminah hian champion an tum hle. An hnuaiah hian point 56 hmutu PSG an awm mek a, match 10 khelh tur la awmah an la inum chho zel ang.

Share this Post

Login to comment

No Comments