MFA Women's League kickoff a ni ta

Mizoram Football Association-in hmeichhe puala inelna changtlung zawk an buatsaih tur MFA Women's League Kick Off chu March 22, Zirtawpni zan khan Grand Hotel, Zarkawt-ah neih a ni.

Inelna hi khuallian WSSO director HC Lalnunzira'n a khuh hawng a, League board chairman Lalruatsanga Tochhawng chuan programme hi a kaihruai a, oath taking leh inelna tel tur club panga jersey tlangzarhna hun atan an hmang.

Women's League-ah hian Siaha District football Association, ITI Veng Games & Sport Association, Maubawk Womens Football Club, Chanmari Womens Football Club leh Vakiria FC te an inel dawn a. March 26, chawhnu dar 2:00 aṭangin Lammualah khelh ṭan a ni ang.