Art Directors Guild Awards : Award dawngtu zingah The Queen’s Gambit leh Tenet tel

Art Directors Guild Awards vawi 25-na chu Inrinni zanah khan virtual-a sem a ni a, The Queen’s Gambit leh Tenet-te chu award dawngtu zingah telin Mank leh Da 5 Bloods-te pawhin chawimawina ngaihhlut an dawng a ni.

Curb Your Enthusiasm J.B. Smoove chuan ADG award ceremony hi a host a, The Queen’s Gambit chuan Television Movie or Limited Series award dawngin, Tenet chuan award ngaihhlut Fantasy Feature Film award a dawng.

Period Feature Film award chu Mank-in dawngin Da 5 Bloods chuan Contemporary Feature Film award a dawng thung. Animated Feature Film award chu Soul-in a dawng a, Short Format: Web Series, Music Video or Commercial award chu Harry Styles 'Falling'-in a dawng a ni.

Stuart Wurtzel (Hannah and her Sisters) chu ADG Lifetime Achievement Award hlan niin, John Eaves (Captain America: The Winter Soldier) Illustrators and Matte Artists (IMA) Council-in an chawimawi bawk.