Halep leh Kerber an inhnukdawk

Simona Halep leh Angelique Kerber te chu Indian Wells Masters aṭangin an inhnukdawk a, player langsar pahnih inhnuhdawh chhan hi hliam vang a ni.

Kum 2015 Indian Wells champion Halep chu a kephah a hliam. Romanian nula chuan, "Dubai-a inelna kan neih ṭumin hliam ka tuar, tournament hi a indawt deuhthaw a khelh ngai a nih avangin ka hliam a la dam hman lo," a ti.

Grand Slam vawi thum champion tawh Kerber chu a ke vei lam hliam vanga inlan thei lo tur a ni thung. German nula chuan, "Season hmasa khan he hmunah hian final ka lut, kuminah ka inlan thei lo tur hi pawi ka ti takzet," tiin a sawi.

Nikum khan Bianca Andreescu chuan Indian Wells-ah hian hlawhtlinna a chang, US Open champion lai ni bawk hi hliam vangin kuminah a la inlan tam lo, tun ṭumah hian nomawi humhim a tum ang.