Malaysia Open champion Lin Dan

Lin Dan chuan dinhmun hnuaihnung zawka a din hnuah Olympic champion nilai Chen Long hnehin Malaysia Open 2019 nomawi a chawi a, Chinese legend tan tun hnai kum hnih chhunga a title hmasa ber a ni.

Lin Dan hian darkar khat leh minute 15 chhungin a hnam pui Long hi 9-21, 21-17, 21-11 in a hneh. Kuala Lumpur-ah hian 2017 khan Lee Chong Wei hnehin nomawi a lo chawi tawh bawk.

Malaysian Open-ah hian kum 2004 khan Lee Chong Wei chuan seeded ni lo chungin nomawi a lo chawi tawh a, season 15 a liam leh hnuah Lin Dan hian Chong Wei-a sulhnu a rawn zui ve leh chiah a ni.

Hmeichhe singles lamah Tai Tzu Ying chuan a zawna vawi thum a champion-na ni turin Akane Yamaguchi chu minute 40 chhungin 21-16, 21-19 in a hneh. Yamaguchi hi Japanese nula zingah Malaysian Open final khel hmasa ber a ni a, mahse world number 1 lakah a ding tlang zo ta lo.