IIT Kharagpur-in Gopichand Academy zirchiang dawn

India rama zirna in ṭha ber zinga mi IIT Kharagpur chuan Pullela Gopichand Badminton Academy (PGBA) nen inremna thuthlung an ziak a. IIT hian Hyderabad-a hmunpui nei Gopichand Badminton Academy-a zirlaite training dan an zirchiang dawn.

IIT Kharagpur aiawh director Prof. P P Chakrabarti chuan, "He zirchianna aṭang hian PGBA hian hlawkna nasa tak an nei thei ang," tiin hmasawnna a awm tur thu a sawi.

IIT-KGP hian Gopichand Academy nen hian sports academy an din dawn bawk a, Gopichand chuan, "IIT Kharagpur a sports academy awm tur hi a lawmawm ka ti hle," tiin a sawi.

Tata Trusts leh Mizoram Badminton Association ṭangkawpin Gopichand Academy nen thawhhona thuthlung an lo ziak tawh a, Sihphir-ah High Altitude Training Centre (HATC) an din dawn a. Grassroots Centre leh Regional Development Centre dinin Mizoramah badminton-in hma a sawn theih nan hma an la mek.