Super Over-ah DC an chak
Indian Premier League inkhel hmuhnawmah Inrinni zan khan Kolkata Knight Riders leh Delhi Capitals-ten Super over an khelh a ṭul a, DC hian run thumin hnehna an chang.
KKR hian over 20-ah run 185 siamin wicket riat an hloh a, run 62 siamtu Andre Russell a che ṭha hle. Delhi Capitals tan opener Prithvi Shaw chuan run 99 rawn siamin a team a rawn chet ṭhatpui viau a, over 20-ah run 185 vek an siam - Super over khelh zui niin DC hi an chak ta a ni.
Inrinni zan inkhel dangah Kings XI Punjab chuan wicket riatin Mumbai Indians an hneh. Mumbai club hian Quinton de Kock (60 runs) chet ṭhat zarzoin over 20-ah run 176 an siam a, wicket sarih an hloh.
Mahse, Kings XI tan opener KL Rahul chuan run 71 rawn siamin a tawp thleng a dam a, Chris Gayle (40) leh Mayank Agarwal (43) ten an puih ṭhat bawk avangin over 18.2-ah an target an umpha a, wicket hnih chiah hloh chungin hnehna an chang. Zanin dar 8:00-ah inkhel pakhat a awm dawn a, Chennai Super Kings leh Rajasthan Royals te an inhmachhawn ang.