Mizoram TT champion Alberto

32nd Mizoram State Table Tennis Championship, 2019 chu Mizoram Table Tennis Hall, Mission Veng-ah Zirtawpni khan khelh zawh ni a, mipa singles final-ah Alberto LR Ruata chuan Jeho Himnakulhpuingheta 4-1 hnehin a champion.

Inelna hi MTTA season kal laia tournament hnuhnung ber niin championship point tamna ber a ni. Youth Boys Singles final-ah pawh national leh international medal la tawh pahnih bawk insu lehin, Jeho-a hian Alberto hi 4-1 tho a hneh vein a champion thung.

Tournament pumpuiah chuan gold leh silver medal 10 ve ve bakah bronze medal pakhat latu Techmaze Table Tennis Club, Mission Veng an champion.