Boxing C'ship zo fel

16th Mizoram Inter-District Boxing Championship chu Boxing Hall, Ramhlun-ah March 26-29, 2019 chhung khan khelh a ni a, mipa leh hmeichhe inelnaah Aizawl District champion an ni.

Inelnaah hian district hrang hrang pariat tel kim vekin boxers 122 an inlan a, weight category 45 awmin bout 77 zet khelh a ni. Inelna neih rual hian MIZBA Referee & Judges exam hlawhtling takin buatsaih a ni a, mi pakuain exam hi an hmachhawn a, mi 8 ṭha takin an tling. R&J exam zinga tiṭha ber chu K. Lalramhluni, Aizawl Venglai a ni.