Jeje goal nen Chennaiyin an chak

Indian Super Cup last 16 match hmasa berah Jeje Lalpekhlua'n goal a khung a, Chennaiyin FC chu Mumbai City lakah 2-0 in hnehna a chanpui. 

Chennai club tan hian CK Vineeth chuan minute 42-naah goal hmahruai a khung a, minute khat chauh a liam hman tihin Jeje chuan a khung ve lehnghal - goal ṭha bik a ni. Super Cup inkhel dangah FC Goa chuan 3-0 in Indian Arrows an sawp bawk a, ISL finalist tan hian Ferran Corominas, Hugo Boumous leh Carlos Pena te chuan goal khat ṭheuh an khung bawk.

Hetihlai hian East Bengal leh Mohun Bagan chu Super Cup final round-ah hian an inlan duh lo a, an khingpui tura ruahman Delhi Dynamos leh Bengaluru chu chaka puan an ni. Zanin dar 8:30-ah ATK leh Real Kashmir an inkhel dawn.