NE Strongman Competition Mizo pangain medal an la vek
NorthEast Strongman Competition hmasa ber chu Meghalaya Strongman & Amateur Power Sports Association buatsaihin Shillong-ah inelna neih a ni a, Mizoram Powerlifting Association tirh mi pangain medal la vekin team champion an ni.
Mizoram aiawh hian Ngurthanzauva Sailo (gold), Abraham Lalṭhakima (gold), Lalthangmawia Hmar (gold), Freddy Lalremruata (silver) leh Joseph Lalnunmawia Pautu (bronze) te an tel a, team enkawl tur hian Powerlifting Association president Lalhlimpuia, coach William B.Vanlalfela leh manager Tyson Lalnunfela te an kal tel.
Kumin March thla khan Mizo Powerlifting Association leh Zonet ṭangkawpin Mizo Pachak inelna an buatsaih a, tun ṭuma Mizoram hlawhtlinna chhan pakhat a tling. MPA hi Zonet leh Samoo Dawr Dawrpui ten an ṭanpui a, an chungah an lawm hle.
Mizoram Team
Gold
1 Ngurthanzauva Sailo Thingsulthliah/Venghlui Open
2 Abraham Lalthakima Tlangnuam 100kgs below
3 Lalthangmawia Bungkawn 70kgs below
Silver
4 Freddie Lalremruata Upper Republic Open
Bronze
5 Joseph Lalnunmawia Ramthar 100kgs below