United manager tur Sir Alex

Manchester United manager hlawhtling ber Sir Alex Ferguson chuan United a enkawl leh dawn a, 1999 Champions League final-a 2-1 a Bayern Munich an hnehna champha vawi 20-na an lawmnaah United hi a kaihruai dawn. 

United leh German club hian Nou Camp-a team pahnih intawn ṭuma player-te ve ve kha chhawrin May 26 khian Old Trafford-ah an inkhel leh dawn a, United manager lailawk nilai Ole Gunnar Solskjaer chu Red Devils tan hian inlan tura beisei a ni. 

Champions League 1999 final-ah khan United hi 1-0 a an hnufual reng hnuin injury time-ah Teddy Sheringham leh Solskjaer ten goal khungin 2-1 in an chak a, Premier League leh FA Cup-ah an champion tel bawk.