Sala thlah liam a ni ta

Cardiff City striker Emiliano Sala chu Inrinni khan a seilenna khua Sante Fe, Argentina-ah vuiliam a ni ta a, he hunah hian Cardiff City manager Neil Warnock leh chief executive Ken Choo pawh an tel. 

Nantes aṭanga Cardiff a panna lama thlawhtheihna chesual avanga nunna chanta Sala thlah tur hian an khaw mipui zawng zawng deuhthaw an pungkhawm a, amah chher liantu club San Martin de Progreso neitu Daniel Ribero chuan, "Kan aiawhtu a ni a, thingtlang khaw te tak niin Emi hi kan celebrity neihchhun, he khua aṭanga professional footballer kan neihchhun a ni," a ti. 

San Martin de Progreso club hian Sala ruang a thlen hma hian, "I kal hmasak ber ṭum ang khan nghakhlelin kan thlir che a, mahse tunah zawng kan thilnunga cheng reng turin kan nghak ta che," tiin an player hlui pualin thu an pholang.