Senior national champion Saina

Yonex-Sunrise 83rd Senior National Badminton Championship chu nimin khan final khelh a ni a, champion lai Saina Nehwal chuan PV Sindhu 21-18, 21-15 a hnehin a vawi li nan singles title a la.

Guwahati-a mipa final inkhelah Sourabh Verma chuan Asian junior champion Lakshya Sen chu 21-18, 21-13 a hnehin a champion ve bawk, Verma hian a kum zawnin nomawi vawi thum a chawi ta a ni.

Senior National Bad-minton Championship-a pakhatna te hian Rs 3.25 lakh an dawng a, pahnihna hian Rs 1.7 lakh dawngin; singles semifinalist leh quarterfinalist ten Rs 62500 leh Rs 27500 an dawng bawk.