Match lia goal thum khung Balotelli

Mario Balotelli chuan goal khung thei bik a nihna a la hloh lo a, Italy international hian Mar­seille tana a match hmasa paliah goal thum a khung ta - Inrinni zan khan a club thar hi Amiens lakah 2-0 in hnehna a chanpui.

Manchester City leh Liverpool striker hlui hi a club hmasa Nice chuan January thla khan a contract an tihtawp sak a, free transfer-in Marseille hi a zawm - ani bakah hian Florian Thauvin chuan goal khat a khung bawk.

Marseille hian Ligue 1 match 25 an khelh aṭangin point 40 an hmu tawh a, table-ah palina niin an chunga awm Lyon nen an inkarah point ruk a awm mek a ni.