Halep hnehin Mertens champion

Inrinni zan khan Elise Mertens chuan Simona Halep hnehin Qatar Open nomawi a chawi a, world number 21 Mertens tan tennis a khelh hun chhunga a title lak lian ber a ni.

Kum 23 mi Mertens hian Romanian nula Halep lakah hian 3-6, 6-4, 6-3 in hnehna a chang. Set khat­na a hloh bakah set hnih­na an khelh laiin a zawnin point 18 ngawt a hloh zawn a, a tawpah erawh huaisen taka a beih letna vangin hnehna a chang.

Belgium nula Mertens chuan, "Simona hi pla­yer ṭha leh ropui a ni a, ani hneh chunga nomawi chawi chu a ropui dang­lam bik hle a ni," tiin a sawi. Mertens hian world ranking-a a sang 10 chin lakah ṭum thum chiah hnehna a la chang ve a ni.