Chanmarians hmaah Zarkawt an zawr

Mahuma Memorial Cricket Tourna­ment-ah Chanmarians-in Zarkawt Lords an in 'show' khum a, innings khat leh run kuain an sawp.

Chanmarians hian first innings-ah run 241 siamin over 53.2 thleng an daih a, Lal­hriatrenga chuan run 41 siamin vaw chhuak hnem ber a ni. Zarkawt Lords tan wicket li latu Pratik Pratap Desai chuan run 65 ngawt rawn siam mah se a ṭhiante'n an pui ṭha tawk lo a, over 31.5-ah run 114 chiah an siam. 

Second innings-ah pawh Zarkawt an danglam lo. Over 36.4-ah run118 chiah an rawn tlin a, an run siam belhkhawm hi run 232 a ni a, first innings-a run 241 siamtu Chanmarians tan bat buai ngai tawh loin an chak.